हौस...
आता तनाशी भिडण्याचा
सोस उरला नाही...
पण मनाशी भिडण्याची
हौस जात नाही...
वाचुन काढावी टिप्पणे
व्यासंग इतका नाही...
पण पाने काही चाळण्याची
हौस जात नाही..
गाण्याची सुरेल पट्टी
अद्याप गवसली नाही...
पण उगाच गुणगुण्याची
हौस जात नाही...
शोधला किती मी देव
अद्याप गवसला नाही
पण माझे मलाच शोधण्याची
हौस फिटली नाही...
झेलले कित्येक पावसाळे
पण ओला झालो नाही
पण अजून चिंब भिजण्याची
हौस जात नाही...
सोसले किती ऊन मी
पण कधी तापलो नाही
पण उन्हात बसण्याची
हौस जात नाही....
आयुष्य किती वळणांचे
अद्याप ठाऊक नाही..
पण बेफाम धावण्याची
हौस जात नाही....
आवडलो कधी मी कुणाला
बिलकुल वाटत नाही..
पण प्रेमात अजून पडण्याची
हौस जात नाही....
-प्रशांत शेलटकर...
8600583846
No comments:
Post a Comment