तेव्हा कविता जन्मते

मनातले चांदणे जेव्हा
अलगद कागदावर उतरते
तेव्हा  कविता जन्मते..

नक्षत्रांची नजाकत जेव्हा
शब्दांना येते तेव्हा
कविता जन्मते...

कल्पनेचे पंख लेवून जेव्हा
प्रतिभेचे फुलपाखरू होते
तेव्हा कविता जन्मते...

तिच्या चिंब भिजल्या गालावर
जेव्हा चुकार बट येते...
तेव्हा कविता जन्मते...

न घसरलेली ओढणी जेव्हा
ती उगाचच सावरते..
तेव्हा कविता जन्मते...

काळजातली काळजी जेव्हा
तिच्या डोळ्यात उतरते
तेव्हा कविता जन्मते...

तिच्या नजरेचा डंख जेव्हा
थेट काळजाला डसतो
तेव्हा कविता जन्मते...

आणि

आठवणींचा पेरा काळजात
करून जेव्हा ती दूर दूर जाते
तेव्हा कविता जन्मते...

-प्रशांत शशिकांत शेलटकर
  8600583846