माणसाचं मन असावं
नितळ आणि पारदर्शी..
आरस्पानी डोहा सारखं...
डोह गहिरा असला तरी
दिसला पाहिजे तळ..
मनात असू नये कधीच
कुणाविषयी कसलाच सल...
कुणाच्या मनात ,
कुणाला किती स्थान..
कशाला हवा सांगा
नको तो अभिमान...
मन असावं पवित्र सुंदर
जस काही गंगाजल
मनात असू नये कधीच
कुणाविषयी कसलाच सल...
कितीही कमावलेत तरी ,
सांगा कुठे पुरते...
मेल्यानंतर सांगा तुम्ही
राखेशिवाय काय उरते?
तेव्हा कुठे जाते सांगा..
धन आणि सत्तेचे बल...
मनात असू नये कधीच
कुणाविषयी कसलाच सल...
डीपी असोत किती सुंदर
मन सुंदर पाहिजे...
चेहरा असो कसाही
दिल नेक पाहिजे...
फाटका असला खिसा तरी
दिल पाहिजे दर्यादिल..
मनात असू नये कधीच
कुणाविषयी कसलाच सल...
-प्रशांत शेलटकर
8600583846
No comments:
Post a Comment