तुझा मी नसेन कदाचित
मी मात्र तुझाच आहे
तू माझीच असावी
असं नाही नक्कीच...
मी मात्र तुझा ....
नक्कीच आहे
प्रेम आणि लग्न
वेगळ्या गोष्टी असतील
कदाचित...
प्रेम असेल तिथे लग्न
असेलच असे नाही...
लग्न असेल तिथे प्रेम
असेलच असं नाही..
जिथे हक्क आणि सत्ता
तिथे प्रेम असेलच असे नाही
जिथे फक्त सर्मपण...
तिथे वासनेचे नावच नाही
माझ्यासारखी व्याकुळ
तू व्हावीस असं नाही...
तुझी प्रत्येक संध्याकाळ
माझ्यासाठी असावी...
अस नक्कीच नाही...
नवऱ्याच्या उबदार मिठीत
तुला माझी आठवण...
यावी असं काही नाही...
मात्र तुझ्या आठवणींनी..
रात्र माझी जागावी...
याला नक्कीच इलाज नाही...
-प्रशांत शेलटकर
8600583846
No comments:
Post a Comment