प्रीती

कसं सांगू तुला ...
ओढ तुझी किती आहे..
तुझ्यासाठी मनामध्ये
अव्यक्त पण प्रिती आहे...

जरी दूर गेलीस तू
अंतरात निरंतर तू
पापण्यांच्या पंखामध्ये
दाटून नित्य येतेस तू....
तुला डोळ्यात मी
नित्य जपणार आहे...
तुझ्यासाठी मनामध्ये
अव्यक्त पण प्रिती आहे

जरी लक्ष दीप ते
उजळती देवालयी
तरी चित्तास शांती
देते ती स्निग्ध समई
तुला त्या समईत
नित्य पहातो आहे
तुझ्यासाठी मनामध्ये
अव्यक्त पण प्रिती आहे

-प्रशांत शेलटकर
  रत्नागिरी