अनोळखी
मी काहीही बोललो तरी
रुजला अनर्थ तिथे होता
समजून घ्यावे मला कोणी
हा समजच व्यर्थ होता
वाटले मला की
चंद्र माझ्या कुशीत आला
कळले फारच उशिरा
हा समजच व्यर्थ होता
मी आलो तुझ्याकडे
बेफाम ओढ अशी तुझी
ओढ तुलाही आहे
हा समजच व्यर्थ होता
कित्येक सुखाच्या आहुत्या
प्रेमयज्ञी अर्पित झाल्या
तू ही असशील समर्पित
हा समजच व्यर्थ होता
मी दिले गुलाब तुला
तुझी तक्रार काटयांची
कधी तरी तुला कळेल गंध
हा समजच व्यर्थ होता
रडलो आतून मी जरी
तुला हसताना दिसलो
हे आतले समजेल तुला
हा समजच व्यर्थ होता
आता अनोळखी होणे
मजला भाग आहे.
भेटल्यावर म्हणू नको
कोणी ओळखीचा होता
-प्रशांत शेलटकर
8600583846
03/08/2021
😔😔
