"व्हाट्सएप स्तोत्र"
प्रभाते समयी
आधी स्टेटस पहावे
त्या नंतर हळूच
गुडमॉर्निंग पोस्टावे
कराव्यात पोस्टी
इकडच्या तिकडे..
उपदेशाचे मग
व्हॅकसीन टोचावे..
बळे बळे हसून
सेल्फी काढावे
किती मी आनंदी
जगास दाखवावे
देवादिकांचे फोटो
सणासुदी पोस्टावे
किती मी भाविक
जगाला कळावे
कॉमेंटावे कोणाला
एक धोरण असावे
जिथे लाभ काही
त्याला नावाजावे
कोणी अलाणी फलाणी
तिला ऑसम म्हणावे
मित्रास परी सच्च्या
हळूच निगलक्टावे
समूहावर जन्मदिनाचे
जोशात भंडारे करावे
इतर वेळी "खोपच्यात"
गप्प लपुनी बसावे..
प्रसंगास इमोजी
मदतीस घ्यावे
चेहरा मख्ख ठेवुनी
इमोजीस रडवावे
भले जळकूट आपण
आतल्या आत असावे
फुल्ल स्माईलिस त्या
त्वरेने सेंड करावे
असे खोटे आयुष्य
खोटेपणातच जावे
अन शेवटी शेवटी
एकटेच रडावे...
-प्रशांत शेलटकर
8600583846
27/07/2021
