बोका,बायको आणि मी..
बाजूने माझ्या
एक झुळूक गेली
थेंब अत्तराचे
शिंपडून गेली..
मन खुळ्यागत
मग मोगरा झाले
छेडून मनसतार
कोण निघून गेले?
मान वळवून मागे
मग भागच पडले
अन काळजात लख्ख
लाख दिवे लागले
किती बदलली ही
मन अचंबित झाले
या गरब्यात बायकोचे
किती रूप पालटले
हीच का मम पत्नी
मन शंकीत मग झाले
क्षणात माझे सुमार
रूप तरळून गेले..
कुठे ही इंद्राची परी
अन कुठे मी तट्टू
तरी हिचे मन का
माझ्यावर झाले लट्टू
कुठे ही सुरेल बासरी
कुठे मी गावठी पावा
विसंगतीच ही इतकी
का दिलीस रे देवा?
विचार करता करता
मी बेडवरून पडलो
पडलो तरी कोण जाणे
मी गालातच हसलो
कुस बदलून परी वदली
काय रे आवाज हा कसला
जा झडकरी किचनमध्ये
तो बोका फार माजला
तू झोप शांत आता
बोका नव्हे मीच तो
देऊन एक जांभई
मी पुन्हा गाढ झोपतो
-- प्रशांत शेलटकर
8600583846
No comments:
Post a Comment