कस सांगू तुला...
कस सांगू तुला....
तू कोण आहेस माझ्यासाठी...
पुनवेचा चांद आहेस तू...
चांदण्याची रात आहेस तू...
रातराणीचा गंध आहेस तू...
चंदनाचा स्पर्श आहेस तू....
कस सांगू तुला...
तू कोण आहेस माझ्यासाठी...
कस सांगू तुला...
तू कोण आहेस माझ्यासाठी...
मस्त श्रावणसरी आहेस तू
चिंब आषाढ धारा तू...
कधी उबदार झुळूक तू..
कधी झिम्माड वारा तू...
कस सांगू तुला...
तू कोण आहेस माझ्यासाठी...
कस सांगू तुला...
तू कोण आहेस माझ्यासाठी...
तू सौदामिनी..
तू चैत्रयामिनी..
तू मेघमल्हार..
तू गोड गंधार...
कस सांगू तुला...
तू कोण आहेस माझ्यासाठी...
कस सांगू तुला...
तू कोण आहेस माझ्यासाठी...
बकुळीचा गंध तू...
मत्त्त हिरवा चाफा तू...
तळहातावर चितारलेला
मेहंदीचा मस्त मदनरंग तू
कस सांगू तुला...
तू कोण आहेस माझ्यासाठी..
कस सांगू तुला...
तू कोण आहेस माझ्यासाठी
मनातला मस्त मोर आहेस तू..
मनातला भाव विभोर आहेस तू
मनात जपलेलं पिंपळपान तू
अवचित सुटलेल भान तू...
कस सांगू तुला...
तू कोण आहेस माझ्यासाठी...
कस सांगू तुला...
तू कोण आहेस माझ्यासाठी...
तू देवघरातली समई .
तू मंदिरातली पणती ..
तू दारापुढची तुळस...
तू मंदिराचा कळस...
तू मत्त्त चाफा ..तू धुंद मोगरा...
तू सुगंधी सुगंधी श्वास गहिरा..
कस सांगू तुला...
तू कोण आहेस माझ्यासाठी...
कस सांगू तुला...
तू कोण आहेस माझ्यासाठी...
माझ्या अस्तित्वाचा…..
गूढ अर्थ आहेस तू....
-प्रशांत शेलटकर
8600583846
