निर्गुणाचे भेटी आलो सगुणासंगे...
सोपं नाही भाऊ..☺️
निराकाराची उपासना हा प्रचंड गोंधळात टाकणारा शब्द आहे. निराकाराची उपासना नेमकी कशी करायची? बरं निराकाराला नाव तरी कसे देतात? सगळं जगच नेम अँड फॉर्म म्हणजे नाम रुपात असताना. निराकार ही संकल्पनाच चुकीची ठरत नाही का? आकाराची नकारात्मक व्याख्या म्हणजे निराकार..ज्याला आकार नाही तो निराकार हे बरोबर पण तो निराकार आकाराशिवाय कसा समजून घ्यायचा..की निराकार नावाचे काही अस्तित्वातच नसते??
गंमत म्हणजे जे निराकाराची उपासना करतात त्यांच्या प्रत्येकाच्या डोळ्यासमोर वेगवेगळे आकार असण्याची शक्यता असण्याची शक्यता जास्तच नाही का? जे आकाराची उपासना करतात त्यांचा हा गोंधळ होण्याची शक्यता खूप कमी ..उदा. गणपती म्हटलं की एका माणसासमोर आणि लाखो माणसां समोर गणपती हे एकच रूप उभे राहिल..पण शंभर माणसांसमोर परमेश्वर निराकार आहे असे सांगितले तर ? प्रत्येकाच्या नजरेसमोर काही ना काही उभे राहीलच ना..मग निराकाराची संकल्पना तिकडेच फसत नाही का? म्हणूनच जे पंथ, धर्म देव निराकार आहे म्हणतात त्याना विविध प्रतीकांचा आधार घ्यावाच लागतो . हीच मोठी विडंबना आहे..नाही का?
साकार उपासना तुलनेत सोपी आहे. अमूर्त संकल्पना चित्र किंवा शब्दात मांडली तर ती लगेच समजते. E=mc2 हे प्रमेय आइन्स्टाइनला अगोदर समजले पण त्याला ते सूत्रात मांडावे लागले तेव्हाच जगाला समजले..तसेच सर्व प्रेषितांना ,महात्म्यांना जे ज्ञान प्राप्त झाले ते सामान्य माणसांना सांगताना एक पायरी खाली उतरावे लागले. त्या प्रेषितांच्या पश्चात त्यांचे अनुयायी अनेक पायऱ्या उतरून खाली आले ही गोष्ट वेगळी..खरं तर हमाम मे सब नंगे.. पण प्रत्येक जण स्वतःकडे न पहाता इतरांकडे पाहत असल्याने त्याला सगळे नंगे असल्याचं दिसत..अस सगळ्यांचंच होत असल्याने आपण आपल्याकडे न पहाताही नंगे आहोत हे सिद्ध होत नाही का? तसेच आहे हे, आपण स्वतःला निराकारी समजत असलो तरी आपण स्वतः आकार आहोत, आपल्या उपासनेची प्रार्थना स्थळे आकारात आहेत,आपले धर्मग्रंथ आकारात आहेत. जितके खोल जाल तेवढे आणखी खोल जाल...आणखी आणखी खोल जाल..
-प्रशांत शेलटकर
8600583846
