जाईचना...
जीव जडे जिच्यावर,
तिला काही कळेचना
फुल फुलले काळजात
गंध तिला जाईचना..
साद किती घालावी,
प्रतिसाद काही मिळेना
एक कळी रुसलेली,
खुलता कळी खुलेना..
रुतला काटा इथे तरी,
दर्द तिथे होईचना...
जखम झाली इथे तरी,
फुंकर ती घालेना...
भेटायचे आहेच तिला,
तिला सवड मिळेना...
आवडते जरी ती मला,
तिची आवड समजेचना
जाता येता दिसते ती,
तिला मी दिसेच ना..
दिसलो जर चुकून जरासा,
ती मात्र हसेच ना...
गेलीस उडत म्हणालो तरी,
मनातून ती जाईचना...
इष्काचा गुलजार पक्षी,
घरटे सोडून जाईचना...
-प्रशांत शेलटकर
8600583846
No comments:
Post a Comment