"जिप्सी"
असलो जरी काळा-सावळा
तरी मी सुंदर आहे........
वेष माझा जरी बावळा
तरी मी कलंदरआहे....
मनसोक्त भटकणारा
मी एक मनमौजी आहे....
आयुष्याशी झगडणारा
मी एक फौजी आहे..
आयुष्याला प्रश्न करणारा
मी एक यक्षही आहे...
उत्तर मिळो अथवा न मिळो
आनंद हेच लक्ष्य आहे....
आयुष्य एक यात्रा आहे
कधी चढ ..कधी उतार आहे
आनंदाने चाललात तर...
तुमच्यातही एक जिप्सी आहे..
आयुष्य कधी हिरवळ आहे
कधी वैराण वाळवंट आहे
थकलो तर थडगे आहे
अन चाललो तर कारंवा आहे
मी जिथे आहे जसा आहे
तिथेच मी बरा आहे...
तिखट - तूसडा असलो तरी
आतून मी खरा आहे....
आणि...
खरंच माझ्यात एक
जिप्सी लपला आहे
खरंच माझ्यात एक
जिप्सी लपला आहे....
-प्रशांत शेलटकर
8600583846
No comments:
Post a Comment