शंभर शब्द ऐकावे
एक शब्द लिहावा
व्यक्त व्हावे नेहमी
सावधपणे !!
कळते सर्वच मज
हा केवळ माज
ल्यावा नम्रतेचा साज
नियमितपणे !!
एकच जरी विषय
बहू असती आशय
परमतावर संशय
घेऊ नये !!
व्हाट्सएप, फेसबुक
बुद्धिभेदाचे साधन
त्यावरून अनुमान
काढुच नये !!
राजकारण,अर्थकारण
विषय फार गहन
आपले तोकडे ज्ञान
दाखवू नये !!
फेसबुकवरील वटवट
न ठरो कोणा कटकट
करुनी असंख्य पोस्ट
वीट कधी आणू नये !!
सगळे आपले सांगाती
कुणी शाळासोबती
उगाच वादाच्या नौबती
झाडू नये !!
जाणावी औकात आपली
जाणावी बुध्दिझेप आपली
उगा विद्वत्तेची डफली
वाजवू नये!!
न करावा उगा अपमान
न द्यावा उगा सन्मान
विवेक बुद्धीचे हे लक्षण
जाण नेटकऱ्या !!
-प्रशांत शेलटकर
8600583846
No comments:
Post a Comment