हिंदु

 मी मुळातच धर्मनिरपेक्ष आहे.

कारण मी हिंदू आहे.माझ्या धर्माइतके आचार आणि विचार स्वातंत्र्य कुठेच नाही.ज्यांना हिंदू म्हटल्यावर अंगावर पाल पडल्यासारखे वाटते.त्यांना तसे वाटण्याचे स्वातंत्र्य आहे.....

ज्यांना धर्म म्हणजे काहीतरी बुरसटलेले ,मागास वाटते त्यांना तसे वाटून घेण्याचे स्वातंत्र्यही  हिंदू धर्म बहाल करतो म्हणून मला माझ्या हिंदू असण्याचा अभिमान आहे......

ज्यांना हिंदू धर्म म्हणजे केवळ जातीव्यवस्था वाटते.

त्यांना तसे वाटून घेण्याचेही स्वातंत्र्य आहे.जे चूक आहे ते चूक म्हणण्याचे स्वातंत्र्य हिंदू म्हणून मला आहे म्हणूनच हिंदू असल्याचा मला अभिमान आहे.

माझे हिंदुत्व कोणत्या राजकीय पक्षाशी बांधलेले नाही.कोणा नेत्याच्या पायाशी वाहलेले नाही.ना कोणाच्या सामूहिक द्वेषावर पोसलेले नाही.म्हणूनच माझ्या हिंदू असण्याचा मला सार्थ अभिमान आहे..

पराकोटीची अहिंसा ते पराकोटीची हिंसा दोन्ही मला मान्य नाहीत. अस्तित्व टिकवण्यासाठीची हिंसा मला मान्य आहे.चराचरात देव असेल तर तो मूर्तीत देखील असायला हवा हे मला मान्य आहे.पण देव फक्त मूर्तीतच असतो हे मला मान्य नाही.देव नाही म्हणालात तरी मान्य,देव आहे म्हणालात तरी मान्य .माणसातला देव बनवण्याचे आणि देवाला मानव रुपात पाहण्याचे सामर्थ्य मला माझी हिंदुसंस्कृती देते म्हणून मला माझ्या हिंदुत्वाचा सार्थ अभिमान आहे.

प्रशांत शेलटकर

  

    

--प्रशांत शेलटकर