सखे थोडं थांब

मत बनवण्या अगोदर
सखे थोडं थांब...
समजून घे थोडं मला
जाऊ नकोस लांब..

मी तुला सखी म्हणतो
त्यालाही काही कारण आहे
आपल्यामधल्या नात्याला
विश्वास हेच तारण आहे...
म्हणून म्हणतो
सखे थोडं थांब...
समजून घे थोडं मला
जाऊ नकोस लांब..

सखे, सगळेच पुरुष
नसतात हलकट आणि पांचट
नसतात चावट आणि लोचट
नसतील तुला ते म्हणत
ताई ,दीदी, आणि बहेनजी
पण ते जपत असतील
तुझ्यातलं माणूसपण
म्हणून म्हणतो
सखे थोडं थांब...
समजून घे थोडं मला
जाऊ नकोस लांब..

तुझ्या प्रत्येक डीपीला
तुझ्या प्रत्येक स्टेटसला
नाइस म्हटलं म्हणजे ...
असं नक्की नाही की,
कुणी तुझ्याभोवती फिल्डिंग लावतय...
ते असू शकत निर्व्याज कौतुक..
ती असू शकते तुझी स्तुती निर्हेतुक..
म्हणून सांगतो,
सखे थोडं थांब...
समजून घे थोडं मला
जाऊ नकोस लांब..

सखे,
वरून कठीण असला तरी
नारळाच्या आत पाणी असतं
असली आयाळ जरी सिंहाची 
तरी काळीज सशाचं असतं
पुरुषाच हे असंच असतं
म्हणून सांगतो,
सखे थोडं थांब...
समजून घे थोडं मला
जाऊ नकोस लांब..
-प्रशांत शेलटकर
8600583836

-प्रशांत शेलटकर
8600583836