अजूनही...
लग्न होऊन वर्षे झाली
तरी अजूनही लाजतेस तू
जवळ कधी आलो तर
अजूनही पदर सावरतेस तू
कानात तुझ्या बोललो तर
अजूनही नजर चोरतेस तू
आणि नजर खाली करून
हलकेच इश्श म्हणतेस तू
अजून झटकतेस ओले केस
अजूनही तीच शिकेकाई...
वय वेडेच अंमळ थांबलेले...
अजूनही तीच तरुणाई...
अजून तोच पदराचा चाळा
गुपित काही सांगताना..
अजून तेच रोखून बघणे
खोटा नकार देताना..
झंकारते अजून देहवीणा
सूर आपुले जुळताना..
अजून भैरवी सजते आपली
झुंजूमंजू होताना....
खेळाडू जरी पुराणे..
डाव नव्याने मांडलेले..
काळाच्या बरणीत सखे
लोणचे आपले मुरलेले..
-प्रशांत शशिकांत शेलटकर
8600583846
No comments:
Post a Comment