तू अस का करतेस?

तू असं का करतेस???

बोलायचंच नाही  म्हणतेस
अन डोळ्यातून बोलत रहातेस
हसायचंच नाही म्हणतेस
अन गालावर खळी पाडतेस

वाट पाहणार नाही म्हणतेस
आणि येरझारा घालत बसतेस
निघून जाईन म्हणतेस
अन मागे वळून पाहतेस...

संबंध संपला म्हणतेस
अन लास्ट सिन पहात बसतेस
कित्येकदा ब्लॉक  करतेस
आणि परत अनब्लॉक करतेस

रडणार नाही म्हणतेस...
अन उगाचच चेहरा फिरवतेस
फोन उचलणार नाही म्हणतेस
अन फोन चेक करत बसतेस

इतकं का हसत असतेस ?
की मनातलं लपवत असतेस ?
नकार नकार देत राहतेस पण
मनातून प्रेम करत असतेस

होय ना? 🙂

-प्रशांत शेलटकर
  8600583846