चु.भु.द्या.घ्या☺️

चु.भु.द्या.घ्या☺️

काही शब्दांचे लघुरुप ( shortforms) असे असतात की त्याचा खरा अर्थ कळला की हसू येते

पूर्वी दुकांनांच्या पाटीवर प्रोप्रा. असे लिहिले असायचे. प्रोपायटर चे प्रोप्रा. हे लघुरुप. पण त्यावेळी मला वाटायचं हे  म्हणजे श्री ,श्रीमती सारख काहीतरी असावं☺️

वास्तविक प्रोप्रा ऐवजी सरळ प्रोपायटर  किंवा मालक लिहायचं ना...पण जाऊदे  लिहिणाऱ्यालाच बहुतेक माहीत नसावा त्याचा अर्थ...

  विचारलं तर कदाचित म्हणाला असता " शास्त्र असतंय त्ये" ☺️☺️

    पूर्वी पत्र लिहिताना  सुरुवातीला स.न.वि.वि अस लिहिलं जायचं.. ते म्हणजे सप्रेम नमस्कार विनंती विशेष चे लघुरुप...पण हे फार कुणाला माहीत नसायचं..पत्र वाचताना पण सनविवी अस बोलून मोकळे☺️ बरं हे एवढ्यावरच नाही थांबायचं आई वडिलांना पत्र लिहिताना शि. सा.न म्हणजे शिर साष्टांग नमस्कार , किंवा तीर्थरूप लिहावं लागायचं.. तीर्थरूप म्हणजे तीर्थ जस पवित्र तसे तुम्ही मला पवित्र आहात हेच आईवडिलांना सांगायच असतं... परत गंमत बघा तीर्थरूप आणि तीर्थस्वरूप वेगळं...आईवडील हे तीर्थरूप असतात त्याना तीर्थस्वरूप म्हणायच नसतं ते बाकीच्या आदरणीय नातेवाईकांसाठी राखीव...तिर्थस्वरूप म्हणजे जे तीर्थासारखे आहेत ते..तीर्थरूप नाही पण तीर्थासारखे...किती सूक्ष्म फरक आहे ना....दुसरा एक शब्द म्हणजे विधवा स्त्रीला पत्र लिहिताना गं. भा अस लिहायची पद्धत होती.. गं भा म्हणजे गंगा भागीरथीचे लघुरुप...गंगे सारखी पवित्र स्त्री असा त्यांचा भावार्थ..

      

      पत्र लिहुन झाल्यावर जर काही लिहायचं राहील तर खाली ता.क. अस लिहायच आणि पुढे राहिलेले किहायच

ता.क. म्हणजे ताजा कलम ☺️☺️☺️

     सरकारी पत्र पण नमुना होता...म.वि म्हणजे  महाशयास विदित व्हावे... विदित व्हावे म्हणजे माहिती व्हावे...हू. हू . म्हणजे हुजूर हुकूम...म्हणजे वरिष्ठांचा आदेश...

     पत्राच्या शेवटी कळावे का लिहितात हे मला अद्याप कळलेले नाही..मी माझ्या सामान्य बुद्धीनुसार काढलेला अर्थ म्हणजे.. पत्रलेखकाने जे काही वर लिहिले ते वाचणाऱ्याला कळावे...असा असू शकेल ☺️☺️☺️☺️☺️

   पत्राचा शेवट तर भारीच असतो....

     

   आपला विश्वासू...म्हणजे स्वतःच स्वतःला विश्वासू म्हणवून घ्यायचे का?☺️☺️☺️ की आपली गॅरंटी समोरच्याला कळावी म्हणून ही लिहायची पद्धत आली  का ते नकळे...

वरील लेखात काही चुकल असेल तर

चुभू  घ्यावी द्यावी....

चूक भूल द्यावी घ्यावी....

☺️☺️☺️☺️☺️☺️☺️

-प्रशांत  शशिकांत शेलटकर

 8600583849

माझा ब्लॉग-

https://aksharpooja.blogspot.com/?m=1