स्फूर्ती

स्फूर्ती...

चांदण्याचे आभाळ नको
पणती एक पुरेशी आहे...
नकोच सारे मोह पण
असणे तुझे पुरेसे आहे

नकोच आता व्यक्त होणे
तुझे स्मित पुरेसे आहे
नकोच शब्दांचे पांगुळगाडे
बोलके मौन पुरेसे आहे

नकोच भेटणे प्रत्यक्ष,
येणे स्वप्नात पुरेसे आहे
स्वप्न तुझ्यासवे जगण्याचे
जन्मी पुढील हवेसे आहे

नकोच तो साजशृंगार तुझा
एक ती बट पुरेशी आहे...
अन कविता जन्मण्यास माझी
स्फूर्ती तुझी पुरेशी आहे....

-प्रशांत शेलटकर
8600583846