लोकं पैसे कमवतात

लोकं पैसे कमवतात

लोकं पैसे कमवतात
मी चेहरा कमावलाय
छान हसरा चेहरा..
निरागस निष्पाप चेहरा..
गोड सात्विक चेहरा...

आता मी लीलया बदलतो
माझ्या चेहऱ्यावरच्या रेषा..
भलत्याच लवचिक आहेत त्या
आज्ञाधारक मुलासारख्या,
त्या होतात आडव्या उभ्या
मला जिथे हवं तश्या..
त्याना मुळी स्वातंत्र्यच नाही
हवे तसे व्यक्त होण्याचे..
म्हणून मी हसू शकतो
आतून रडलो तरी,
म्हणून मी रडू शकतो
आतून हसलो तरी,
कारण मी चेहरा कमावलाय
लोकं पैसे कमवतात

हल्ली आरशात पण
मी खोटाच  दिसतो...
माझ्याशीच मी
खोटाच हसतो..
निर्लज्जपणे रुबाब झाडत
म्हणतो त्याला ,
दाखव ना माझा असली मी
साल्या तुझ्यात दमच नाय..
कारण मी चेहरा कमावलाय
लोकं फक्त पैसे कमवतात...

पण केव्हातरी,एकांत क्षणी
बंड करतात रेषांन रेषा..
जिथं जायचं तिथेच जातात
जेव्हा हसायचं तेव्हा हसतात
अन रडायचं तर रडतात...
मग अलगद कळून जाते..
क्षणभर का होईना
पण मुक्त केल पहिजे
कपाळावरच्या आठीला
अन तिला आणलं पाहिजे
गालावर एक स्मितरेषा बनून
आणि तेव्हा कळत ..

लोकं पैसे कमवतात
अन गमावतातही...

-प्रशांत शेलटकर
8600583846