कमल धर्मी...

कमलधर्मी...

खुळेपणाचे सोंग घेती

इथे कित्येक शहाणे

कित्येक खुळे वागती

प्रत्यक्षात शहाणे..

दिसते तसे नसतेच

सांगून गेले शहाणे

चकाकते ते सगळेच

नसते की हो सोने..

वरून अफाट कौतुक 

अन आत अखंड जळणे

शंभर ठेचा खाल्ल्यावर

माणूस होते कळणे

कौतुक झेलत उभा इथे

सारस्वतांचा मेळा

एकमेकांचेच कौतुक किती

तुझ्या गळा अन माझ्या गळा

चेहऱ्या मागचे चेहरे 

भीषण आणि भेसूर

ओळख लागत नाही 

हाच एक कसूर...

जळणारे जळो बापुडे

जळणे हेच त्यांचे कर्म

जळात राहून अलिप्त होणे

हाच कमळाचा धर्म..

-प्रशांत शशिकांत शेलटकर