अलविदा...

अलविदा...

वार केलास खोलवर

ते एक बरे झाले

धुगधुगते श्वास माझे

क्षणांत एका थांबले..

मिणमिणता एक दिवा

उगाचच जळत होता

तू स्वतःच त्यास विझवले

हे एक बरे झाले

धुगधुगते श्वास माझे

क्षणांत एका थांबले..

दिसतो चुकार अश्रू

भर दिवसा उजेडी

अंधार पेरलास सभोवती

ते एक बरेच झाले

धुगधुगते श्वास माझे

क्षणांत एका थांबले..

लागते एक निमित्त

घडण्या वा बिघडण्याला

तू फक्त ते एक शोधले

ते एक बरेच झाले

धुगधुगते श्वास माझे

क्षणांत एका थांबले..

चुकल्या काही गोष्टी

हे कधीचे मान्य मला

पण क्षण सच्चाईचे

विसरलेस ते बरे झाले

धुगधुगते श्वास माझे

क्षणांत एका थांबले..

एक पणती शेवटची

तीही विझत चालली

आता भय न वादळाचे

किंचितही न तिला उरले

धुगधुगते श्वास माझे

क्षणांत एका थांबले..

वार केलास खोलवर

ते एक बरे झाले

धुगधुगते श्वास माझे

क्षणांत एका थांबले..

@ प्रशांत