तुला ना कधी कळावी
भावना माझ्या मनातली
कसक अंतरातली
तशीच राहू दे...
मी आठवतो नित्य तुला
हे तुला कळू नये कधी
आठवण तशीच मला
हृदयी जपू दे...
तू जवळ नकोच कधी
दूर आहेस तेच ग बरे
विरहाचे दुःख हवेहवेसे
मनसोक्त भोगू दे...
देहसुख झडो बापडे
स्पर्शात काय एवढाले
स्पर्श तुझ्या आठवांचा
कण कण मोहरू दे...
कोण मी कुठला ?
न जुळती पार्थिव बंध
तरी एक अनुबंध
आत मला जखडू दे
दिसण्याशी तुझ्या
काय माझे देणे घेणे
तुझे केवळ असणे
माझ्यात फुलून येऊ दे..
प्रेम आहे तुझ्यावर
हे काय नव्याने सांगणे
उत्तराशी काय देणे घेणे
हे एकदा तुला कळू दे
-प्रशांत शेलटकर
8600583846
No comments:
Post a Comment