अशी ओढ तुझी
बेलाग लागते...
जशी चकोरा
चंद्राची लागते...
जशी आहेस तू
तशीच हवी मला
एकदाच चांदण्याची
मिठी हवी मला
हवेच कशाला ?
मापदंड सुंदरतेचे
मला वेडं तुझ्या
बुद्धिमत्तेचे
जसे आरशात
स्वतःला पहातो
तसेच तुला मी
माझ्यात पहातो
मन वेडे रे वेडे
ओलांडते ग रेषा
ओठांवर तेव्हा
हलकेच स्मितरेषा
हो थोडी ग धीट
बोल ग मनातले
येऊ दे ओठावर
शब्द हृदयातले
एक तुझी मिठी
इतकी घट्ट असावी
की स्पंदने हृदयाची
हृदयालाच कळावी
असे का वाटते मला
तुला शरणागत व्हावे
मिठीत तुझ्या रडावे
आणि फक्त रडावे
बोलू नयेच काही
पण हातात हात असावे
ओठ बंद तरीही
हे हृदय गात सुटावे..
❤️❤️❤️❤️❤️
-प्रशान्त
No comments:
Post a Comment