नावडतीचे....

नावडतीचे मीठ अळणी.. आणि आवडत्याचे कारले गोड

लोक एवढे मूर्ख कसे असतात की मूर्खपणाचे ढोंग करतात??? मीडिया एखाद्या नेत्याचे  वादग्रस्त वक्तव्य सतत दाखवत असेल तर ते पूर्ण भाषण नेट वरून शोधून ते पूर्ण वाचून.. मागचे पुढचे संदर्भ लक्षात घेऊन , त्या भाषणातले विराम ,स्वल्प विराम लक्षात घेऊन .. वक्त्याच्या   पूर्वायुष्यात घडलेल्या  गोष्टी यांचा अभ्यास न करता कसे काय व्यक्त होऊ शकतात..खूप वेळा वाक्य उच्चारायचा स्वर कसा आहे त्यावर सुध्दा वक्त्याला काय म्हणायचं आहे हे कळत , उदा. आपण शहाणे आहात  हे  एका लयीत आणि खालच्या आवाजात बोललं तर ते एक साधे वाक्य ठरेल पण शहाणे या शब्दावर जोर दिला किंवा शहाणे च्या पुढे च लावला आणि शहाणेच असे म्हटले तर त्या वाक्याचा अर्थ 360 डिग्रीत बदलतो.

      परंतु नावडत्याचे सगळेच नावडते असते आणि आवडत्याचे सर्वच आवडत असते. कार्यकर्त्याने फक्त आज्ञा पाळायच्या असतात त्याने विचार करायचा नसतो हेच खरे.....

© प्रशांत शेलटकर