सखे ऐक ना

सखे ऐक ना...☺️

तुझ्या देहाच्या वैभवाने

दीपुन जावे अस काही नाही

मोहाचा झाकोळ नजरेत माझ्या

असेलच असे नाही ना सखे

सृजनाचे आकर्षण तसे

तुझ्यात आणि माझ्यातही

पण सारखे तेच घेऊन नाचावे

असेही काही नाही ना सखे

तुझ्या देहाच्या वळणवाटांवरून

घरंगळत जाते नजर जरूर

पण कुठे क्षणभर रेंगाळावे

असेही काही नाही ना सखे...

तू सजणार, धजणार 

निसर्गदत्त हक्कच आहे तुझा

पण हरक्षणी मी बेभानच व्हावे

असेही काही नाही ना सखे...

तुला पाहिले की मोह दस्तक देतो

 देहाच्या प्रत्येक पेशींवर जरूर

पण नर जागा व्हावा प्रत्येकक्षणी

असेही काही नाही ना सखे...

सगळे इन-बिल्ट देहमोह

घेऊन जगतो प्रत्येक पुरुष

तरी प्रत्येक पुरुष हैवान असेलच

असेही काही नाही ना सखे...

-प्रशांत श. शेलटकर

 8600583846