पणती

पणती

दिवस जरी उदासवाणा

रात्र अशी ही सुरेख देखणी

विस्कटलेले आयुष्य कोणाचे

उगाच ना पाहते कोणी...

किती झाकावे स्वतःला

दिवसाची नजर वाकडी

अंग चोरून राहते उभी

जिंदगानी दीन बापुडी...

तरी चोरटे रंगेल कवडसे

हलकटच त्यांचे पक्के इरादे

उगाच करती काळोखाशी

उजेडाचे खोटेच वायदे...

फुंकर मारुनी उजेडाला

रात्र अशी कवेत  घेते..

काळोखाच्या वळकटीवर

जिंदगी अशी झोपून जाते

न दिसावे वार झेललेले

रात्र अशी घनघोर असावी

पण काळोखाच्या दारावरती

एक आशेची पणती असावी

-प्रशांत शेलटकर

 8600583846

 06/07/2021