भूमिका

भूमिका

सर्व काही असताना

काही तरी हरवलंय

खळखळून हसताना

काहीतरी  सलतय

समजूत काढते माझी मी

किती किती सुखी आहे

पण भांगेत सिंदूर भरताना

त्याची खूप आठवण येतेय

गाडी बंगला नोकर चाकर

सार काही आहे दिमतीला

पण सांगू का ग मैत्रिणी ,

तोच नाही ग संगतीला...

हळवे कातर लोभस क्षण

कधीच बरे निघून गेले

जाताना आठवणींचे चार थेंब

डोळ्यात मात्र  ठेऊन गेले

रडताच येत नाही आजकाल

पापण्या फक्त भिजतात

वेळी अवेळी गळयात मात्र

हुंदके दाटून येतात...

अजून ओली हळद माझी

कळत नाही ग त्याला

रंग लाजऱ्या मेहंदीचा

अजून कुठे विरला?

जगणे कसले ग हे?

मी फक्त अभिनय करते

माझी मी राहिले कुठे?

मी भूमिका फक्त करते

-प्रशांत शेलटकर

 8600583846