वडापावचे गाव
अजबच एक गाव
वडाच्या झाडाला लागले
गरमागरम वडापाव
रस्त्याच्या कडेला
पिझ्याची झाडे.
वेलींनाही लागले
गोड गोड पेढे.
मांडवावरच्या वेलींना
भज्यांचे घोस..
मनसोक्त खाऊन घेऊ
भागवू आपला सोस
उंच उंच झाडांना
बर्गर लटकलेले
पानांपानातून
डोसे टांगलेले
इथे तिथे पसरलेले
कॅडबरीचे मळे
मळ्यातून मध्ये मध्ये
चॉकलेटचेच दळे.
आमरसाची वाहे नदी
भरून दुथडी
तळ्यातून भरून वाहे
मिठ्ठास बासुंदी..
हळूच तोडली मी
जिलेबी झाडावरची
जाग आली अन कळलं
ती दुनिया स्वप्नांची
-प्रशांत शेलटकर
8600583846
No comments:
Post a Comment