निर्भय

निर्भय

चुकवून यमाचा डोळा

मी दबकतच चाललो...

हलकेच घेत कानोसा

मी थबकतच चाललो

पण भलताच लबाड तो

अवचित समोर आला

How are you dear?

पटकन बोलून गेला

I am ok, fine

पटकन बोलून गेलो

चावून जीभ दाताखाली

मी जरा हळहळलो...

See you again

तो काहीसा पुटपुटला

काढून खिशातून रुमाल

मी घाम जरासा टिपला

हसून कसेतरी त्याला

मी बाय बाय केले..

का कोण जाणे पायातले

त्राणच निघून गेले...

चालताना मग मध्येच

तो कृष्ण अवचित भेटला

Don't be silly यार

मस्त हसून म्हणाला

जे झाले जुने ते...

लयास जाणार आहे..

पुन्हा नव्याने सारे

जन्मास येणार आहे...

चैतन्य अमर आहे..

देह हा विनाशी..

देह हे वस्त्र आत्म्याचे

जाणीव ठेव मनाशी

वस्त्रे फाटकी जुनी

जशी टाकतोस तू

Exactly आत्मा करतो तसेच

 जरा ऐक ना तू

कृष्ण असे काही बोलला

मी क्षणात हलका झालो

कधी नव्हे तो इतका

आतून पार हललो

झाले उदंड अर्जुन इथे

कृष्ण दुर्मिळ झाला

जसा भेटला मला

तसा भेटो तुम्हाला

आता ये "यमूटल्या"

तुझाच पापा घेतो..

वाटलं तर तुला मीच

गोड झप्पी देतो...

प्रशांत शेलटकर

8600583846