न्यूट्रल

उन्हाची सवय असली की
सावलीवाचून अडत नाही
भिजायची सवय असली..
उबेची गरज पडत नाही...

दोन्ही हात उंचावून
आपणच बोलवावे वादळाला
एकदा का ते माणसात आलं
की त्याचंही काही वाटत नाही

सावल्याच असतात बेईमान
सवय त्यांची भलतीच अवघड
कितीही जीव लावला तरी
तिला काही फरक पडत नाही

क्षणांत हसणे क्षणांत रडणे
आता काही सोसवत नाही...
आता कुणाचे ओले डोळे,
काळीज ओले करत नाहीत

देता देता इतके दिले की,
जवळ काही उरलेच नाही..
आत्ता तुझ्याजवळ मागावे
असे काही वाटतच नाही..

-प्रशांत शेलटकर
8600583846