स्मृती

स्मृती

आठवते अजून मला
तुझी प्रगाढ मिठी
अन स्मरते अजूनही
तुझी भरलेली दिठी..

सरले कित्येक दिवस
सरल्या कित्येक रात्री
अजून तुझ्या चुंबनांचा
थरार उरला गात्री....

तुज मिठीत घेता सखे
आभाळ कवेत आले...
बकुळीचा सुगंध लेऊनी
हे श्वास चांदण्याचे झाले

चेहरा म्हणू की चंद्र हा
की ओंजळीत आनंद ठेवा
ओठांनीच तुझ्या ओठांचा
मधुरस हलकेच टिपावा..

जरी दूरदेशी असशी तू
मज स्मरते  ती लाघववेळ
पापण्यात दाटून येतेस तू
गाली आसवांचे ओघोळ...

-प्रशांत शेलटकर
  गोळप
  8600583846