शुक्रराणी

झगमगत्या नभसदनी तो चंद्र एकला होता
ओढूनीं मेघाची दुलई तो आत लपला होता

होत्या लक्ष तारका त्या विशाल तारांगणी
होती प्रत्येक तारका जरी सौन्दर्याची खनी
परी हरवला कुठे तरी तो निशाधिपती होता
ओढूनीं मेघाची दुलई तो आत लपला होता
झगमगत्या नभसदनी तो चंद्र एकला होता

लाजती सजती  नक्षत्रयुवती त्या नभांगणी
चंद्रास वरण्याची त्या किती स्वप्नेच पहाती
स्वप्नात परी शशीच्या तो एकच ध्यास होता
ओढूनीं मेघाची दुलई तो आत लपला होता
झगमगत्या नभसदनी तो चंद्र एकला होता

वाट पाहता पाहता तिची मग पहाट झाली
लेवून  शूभ्रचांदणे  चांदणी शुक्राची लाजली
प्रियतमेस पाहुनी मग तो चंद्र हसला होता
फेकून मेघांची दुलई मग तेजात नाहला होता
झगमगत्या नभसदनी तो चंद्र एकला होता

क्षणाची संगती लाभते ग शुक्रराणी जरी तुझी
तुझ्यावरच जडते ग हरघडी प्रीत माझी
मग मावळताना चंद्र तो उदास हसला होता
अश्रू दवाचा मग धरेवर ओघळला होता

-प्रशांत शेलटकर
  8600583846