गणित

शून्यापासून शुन्यापर्यन्त
असा माझा प्रवास आहे...
वजाबाकीच खूप आणि
बेरीज खूप थोडी आहे...

जिथे बेरीज करू पाहिलं
तिथे मी उणा झालो...
हक्काच्या माणसांत मात्र
मी कधीच पाहुणा झालो...
आता आयुष्याला भागतो आहे
तरी बाकी शून्य आहे..
कारण....
वजाबाकीच खूप आणि
बेरीज खूप थोडी आहे...

एक अधिक एक ...
नसतात नेहमीच दोन..
आयुष्य असते कधी
लघुकोन कधी विशालकोन...
नियतीकडूनच आता
एक "हातचा" घेतो आहे कारण...
वजाबाकीच खूप आणि
बेरीज खूप थोडी आहे...

कधी वाटत मनापासून
करावी पुन्हा पाटी कोरी
आणि मांडाव आयुष्याच
गणित पुन्हा नव्याने....
ज्यात असेल फक्त
सुखाचा गुणाकार अन
दुःखाचा भागाकार...
आपुलकीची बेरीज...
वेदनांची वजाबाकी....
कारण...
नियतीकडून घेतलेला
एक उधार "हातचा"
तिचा तिला परत द्यायचा आहे
.....तिला परत द्यायचा आहे

-प्रशांत शेलटकर
  8600583846