आभास

मी तुझ्याशी हसलो तर
तुही हसणे अपेक्षित आहे
मी केलं "हाय" तर
तुझं "हँलो " अपेक्षित आहे

मी केलं गुडमॉर्निंग तर तू,
माझीही मॉर्निंग गुड करणारच
नाही केलंस तस तर मी तुला
मॅनर्सलेस म्हणणारच ...

तुझी पोस्ट पटो न पटो
लाइक मी करणारच...
आणि माझ्या पोस्टला
तुझी लाइक असणारच

तू स्त्री असलीस तर...
तुझा डीपी नाइस असणारच
छान, सूंदर, अप्रतिम
कॉमेंट्स चा पाऊस पडणारच

तू पुरुष असलास तर मात्र
तुझं कठीण आहे...
कॉमेंट्स सोड लाईकपण
तुझ्यासाठी महाग आहे...

सकाळ दुपार संध्याकाळ
स्टेटसचे बाण सोडणार आहे
लागायचे त्याला लागतीलच
बाकी सगळा कचरा आहे..

वाढदिवस विश करणे
किती किती सोपं आहे
कॉपी -पेस्टच थालीपीठ
कढईत अलगद सोडायच आहे

इथे करतो कुणी कुणाला
व्हर्चुअली मिस....
इथे देती कुणी कुणाला               
व्हर्चुअली किस....

आभासी दुनियेतील
ही आभासीच नाती....
कठीण समय येता
कामास कुणाच्या येती

-प्रशांत शेलटकर
8600583846