मृत्यू

मृत्यू

हिशेब सगळे चोख झाले

संचित आता काही नुरले

तोडुनी सारी दैहिक बंधने

आत्म्याने मग प्रस्थान केले

देहाला या फारच जपले

तन हे खूपच सजले धजले

पण येता तो  क्षण निर्वाण

देहाचेच किती ओझे झाले

क्षणभरच होतील ओले डोळे

क्षणभरच सारे मायेचे उमाळे

विरून जातील क्षणात एका

आप्तजनांचे शोकसोहळे...

संचिताचेच मग ओझे झाले

केविलवाणेच जगणे झाले

क्षण साधुनी मग मुक्तीचा

आत्म्याने मग प्रस्थान केले...

-प्रशांत शशिकांत शेलटकर

 गोळप ,रत्नागिरी

8600583846