ती

आवडतात खूप जणी
मात्र एक खास असते
भावतात खूप जणी
मात्र तीच श्वास असते...

बोलतात खूप जणी
एक मात्र अबोल असते
ओठांनी ती बोलत नाही
नजरेनेच ती बोलत असते...

गोड बोलतात सर्वजणी
ती मात्र भांडत बसते..
आधी मनसोक्त भांडते
आणि मग रडत बसते...

हाय हॅलो करतात सर्वजणी
ती फक्त टेक केअर म्हणते
गुडमॉर्निंग तर सगळीकडे
फक्त ती स्वीट डिअर म्हणते

चांदण्या असतात आभाळभर
चांदणी शुक्राची मनात भरते
कितीजणी असतात भोवती
पण एखादीच जीव लावते...

-प्रशांत शेलटकर
  8600583846
  रत्नागिरी