उगाचच

उगाचच जुळले आपले
एकमेकांचे श्वास .....
उगाचच लागला आपला
एकमेकांना ध्यास.....

उगाचच होते तुझे माझ्याकडे
असे अनिमिष पहाणे.....
उगाचच होते माझेही तुझ्यातच
जीव गुंतणे....

उगाचच म्हणायचो आपण
एकमेकांना लव यू....
उगाचच तू म्हणायचीस
पिलू मिस यू.......

उगाचच होती ती तुझी
अनावर मिठी....
उगाचच अश्रूंनी भरली होती
तुझी अनावर दिठी.....

उगाचच तुझ्या ऊनस्पर्शाने
मी उबदार झालो....
उगाचच  तुला उजेड देताना
मी अंधार झालो.....

उगाचच तुझ्या आठवणींचे
गुंते सोडवीत बसलो....
उगाचच तुला आठवताना
विसरायचेच विसरून गेलो...

-प्रशांत शशिकांत शेलटकर
  8600583846