दिगंताच्या प्रवासा...
निघून असे जावे...
की कुणाच्या कधी
पाणी डोळा न यावे
साथी आपले आपण
हेच एक सत्य....
प्रेम ही माया
जाणोनि हेच नित्य
मार्ग जिवनाचा
असाची क्रमावे
की कुणाच्या कधी
पाणी डोळा न यावे
जिथे जीव लावावा
तोच जीव घेतो....
दर्द आयुष्याला
तोच तो देतो....
दुःख देणाऱ्यासही
सुख देतंच जावे...
की कुणाच्या कधी
पाणी डोळा न यावे
कशाला कुणामध्ये
असे गुंतवून घ्यावे...
कशास स्वार्थास
नात्याचे नाव द्यावे
बंधनातून स्वतःच्याच
मोकळे स्वतःला करावे
की कुणाच्या कधी
पाणी डोळा न यावे
दिगंताच्या प्रवासा...
निघून असे जावे...
की कुणाच्या कधी
पाणी डोळा न यावे
-प्रशांत
8600583846
No comments:
Post a Comment